MBAO FC YATESTI MITAMBO YAKE YAMPIGA MTU 7-2 CCM KIRUMBA

Timu ya Mbao fc ya jijini Mwanza inayoshiriki ligi kuu Tanzania bada imeichapa bila huruma timu ya Marsh fc kwa jumla ya bao 7-2 katika mchezo wa kirafiki uliopigwa Uwanja wa CCM Kirumba jioni ya leo, mchezo huo ulikuwa maalum kwa Mbao fc kujipima nguvu baada ya timu hiyo kuonekana ikisuasua katika ligi.

Mara baada ya mchezo huo kocha mkuu wa Mbao fc Ettiene Ndayiragije amesema kuwa aanaendelea kukisuka upya kikosi chake ili aweze kufanya vyema katika michezo nane iliyosalia " tumeshinda mchezo huu wa kirafiki na nitaendelea kuwanoa vijana wangu ili waweze kuiongoza timu yao kufanya vyema katika ligi na tunaamini tutafanya maajabu katika michezo ya ligi iliyobaki" alisema

Kwa sasa Mbao iko katika nafasi ya 14 kwenye msimamo wa ligi kuu bara baada ya kuwa na pointi 19 baada ya kucheza michezo 22.