Msanii wa kizazi kipya kutoka jijini Mwanza Frank Valence (pichani) maarufu kwa jina la Belly Gizzo amewaambia mashabiki wake kuwa wakae mkao wa kula kwani siku ya jumamosi wiki hii anatarajia kuachia ngoma yake mpya inayokwenda kwa jina la MY ambayo imetengezwa kwenye studio ya Kazimoto Studio ambapo anatarajia kutoa video na Audio ya wimbo huo.
Belly Gizzo ameuambia mtandao huu kuwa mipango yake katika muziki ni kufanikiwa na mwishowe aweze kuisaidia jamii " Mashabiki wangu waelewe kuwa mimi ni Mwanamuziki na ninaweza kuimba upande wowote ule hivyo nawaomba mashabiki wangu wajiandae kuupokea wimbo wangu huo Mpya unaoitwa MY ambao director katika video ya wimbo huo ni Milos" alieleza.
