STAND UNITED WAINGIA KAMBINI

Na Janeth Joseph 

Baada ya wachezajii wa timu ya Stand United ya mjini Shinyanga kuwa katika mapumziko ya wiki mbili sasa timu hiyo imeingia rasmi kambini kujiwinda na mzunguko wa lala salama katika ligi kuu bara ambapo timu hiyo inatarajia kumenyana na African Lyon april 2 mwaka huu  uwanja wa Uhuru katika mchezo wa ligi kuu bara.

Akizungumza na Mwanza Music House  Kocha msaidizi wa Stand United ya mjini Shinyanga Athuman Bilali amethibitisha kuwa timu hiyo tayari iko kambini kuajiandaa na michezo ya ligi kuu bara " kwa sasa tumeshaingia kambini kujiwinda na  michezo iliyosalia katika ligi kuu hivyo tumeingia mapema na dhumuni letu kuu ni kuhakikisha kuwa tunashinda michezo yetu yote iliyosalia ili tuweze kujiweka katika nafasi nzuri kwenye msimamo wa ligi" alisema

Aidha Bilali amesema kuwa timu hiyo bado inakazi kubwa ya kufanya kwani mpaka sasa wana pointi 28 ambapo kama wakishindwa kupata matokeo katika michezo yote iliyosalia wanaweza kushuka daraja " mpaka sasa tuna pointi 28 baada ya michezo  24  hivyo bado tunakazi kubwa ya kuhakikisha kuwa tunashinda michezo yote ili tuweze kusalia katika ligi" alisema

Bilali amewaomba wadau na wapenzi wa timu hiyo kuendelea kuiunga mkono timu yao kwani itafanya vema katika michezo iliyosalia " wote ni mashahidi kuwa katika mzunguko wa kwanza wa ligi timu ilifanya vema lakini baada ya mzunguko wa pili kuanza timu ikaanza kuchechemea hivyo tumewaweka sawa wachezaji wetu kisaikolojia ili tuweze kushinda michezo yetu yote iliyosalia katika ligi"