TOTO AFRICAN YALAZIMISHA SARE NA PAMBA SC

Wakati ligi daraja la kwanza ikiendelea kutimua vumbi timu ya soka ya Toto african imelazimisha kutoka sare ya kufungana bao 1-1 na timu ya Pamba sc zote kutoka jijini Mwanza, mchezo huo umeshuhudia wakazi wa Mwanza wakishuhudia burudani ya aina yake huku Pamba sc wakionyesha mchezo mzuri katika ligi hiyo iliyoendelea leo Uwanja wa Nyamagana jijini Mwanza licha ya kushindwa kuibuka na ushindi wa pointi 3 muhimu  baada ya mchezo wa hii leo Pamba imefikisha jumla ya pointi 3 baada ya michezo 5 hivyo bado iko nafasi ya mwisho katika msimamo wa ligi daraja la kwanza kundi C huku Timu ya Alliance schools ambayo itashuka dimbani kesho kumenyana na Transit Camp ikiwa na Pointi 10 kileleni. hata hivyo rekodi tangu timu hizi zikutane mchezo wa september 14 2013 Toto iliifunga Pamba bao 1-0 na marudio february 22 2014 Pamba nao waliibuka na ushindi wa bao 1-0 katika mchezo wa marudiano  wa ligi daraja la kwanza. lakini mwaka 2016 Pamba ilifungwa na Toto bao 4-1 katika michuano ya kombe la FA na leo october 14 2017 timu hizi zimetoka sare ya kufungana bao 1-1 kwenye Uwanja wa Nyamagana.