LICHA YA UKATA , FANTOM YAENDELEA KUWA MWIBA LIGI YA MABINGWA

Timu ya soka ya Fantom fc ya jijini Mwanza ambao ndio mabingwa wa soka katika mkoa huu wamefanikiwa kupata ushindi wa bao 2-1 dhidi ya Nyamongo fc ya mkoani Mara katika mchezo wa ligi ya mabingwa kituo cha Geita katika mchezo uliopigwa Uwanja wa Shule ya sekondari waja iliyopo mkoani Geita

mara baada ya mchezo huo Mtandao huu umezungumza na kocha mkuu wa Fantom Mathias Wandiba ambapo amesema kuwa malengo yake ni kuhakikisha kuwa anapata pointi katika kila mchezo " tunamshukuru Mungu kwa matokeo tuliyopata tutaendelea na maandalizi yetu ili tuweze kuendelea kufanya vyema zaidi" alisema

ikumbukwe kuwa jana kulikuwa na taarifa kuwa timu hiyo ya Fantom imefukuzwa katika hoteli waliyokuwa wakiishi kutokana na ukata unaoikabili timu hiyo na hii leo timu hiyo imepata msaada wa fedha taslimu shilingi 240000 kutoka kwa chama cha soka mkoa wa Mwanza kwaajili ya malipo ya marazi kwa wachezaji.