PAMBA SC YAINYUKA MUFINDI UNITED NA KUSONGA 32 BORA

Timu ya Pamba sc ya jijini Mwanza leo imefanikiwa kuibuka na ushindi wa penati 3-1 baada ya kumaliza dakika 90 kwa kufungana bao 1-1 na timu ya Mufindi United katika mchezo wa kombe la FA Cup , mchezo huo Uliopigwa Uwanja wa Wambi Mufindi mkoani Iringa  ulionyeshwa na kituo cha Azam sport HD 2 uliwashuhudia Mufindi United wakiwa wa kwanza kupata bao lililofungwa dakika ya kwanza ya mchezo lakini dakika mbili kabla ya mapumziko mchezaji wa Pamba sc Seveline Costantine akaifungia Pamba bao la kusawazisha mpaka dakika 90 zinamalizika Pamba sc ikafanikiwa kusonga mbele hatua ya 32 bora ya michuano ya kombe la Azam sports federation baada ya sare ya bao 1-1 penati zikapigwa na Pamba kushinda 3-1.